పిచ్చి ప్రశ్నలు

ఆత్మహత్యాయత్నం నేరమయితే,
మనసుచంపుకోవడం ఏమవుతుంది?
మనిషి పోతే, శవం కనిపిస్తుంది;
మనసు పోతే, శరీరమే సమాధి!

జీవంపోయిన తనువు- తెలిసిపోతుంది
పట్టించుకోక పోతే, కుళ్ళి తెలిపిపోతుంది
మనసుపోయిన తనువు 'వాసన' తెలుసా?

గాయపడ్డ, దగాపడ్డ, అణచబడ్డ,
చచ్చిపోయిన, పుచ్చిపోయిన,
ఎన్ని మనసులున్నాయో సమాజంలో!

మన చట్ట / న్యాయ / వైద్య వ్యవస్థ లెంత అసంపూర్ణమో కదా !
అయినా ఆత్మహత్యాయత్నం నేరంగా నిర్వచించారు గానీ,
విఫలమవ్వని ఆత్మహత్యాయత్నానికి శిక్ష ఎలా?
మరి ఆ చట్టం ఆత్మహత్యల్ని తగ్గిస్తున్నట్టా,
లేక 'విఫలం కాకుండా' యత్నాల్ని ప్రోత్సహిస్తున్నట్టా?

మనిషిని చంపితే నేరంగానీ
మనసుని చంపిన నేరాలెన్ని!?