"మల్లెల తీరంలో సిరిమల్లె పూవు"

----------------------------------
"మల్లెల తీరంలో సిరిమల్లె పూవు"- ఎలా ఉంది? 'చలం ప్రేమలేఖ'లా వుంది.
Bottom Top Line: దీనికి నేను ఎన్ని Stars (rating) ఇచ్చానని చూడకండి.
ఇది నక్షత్రాల బదులు "గుప్పెడు మల్లెపూలు" ఇవ్వల్సిన (ఇవ్వగలిగిన) సినిమా.
మన దోసిట్లో పట్టినన్ని. ఆవి ఎన్నని లెక్కించకుండా వెళ్ళి సినిమా చూడండి.

వినోదం కోసం వెళ్ళకండి. ఒక మంచి అనుభూతి కోసం మాత్రమే వెళ్ళండి.
ప్రాక్టికాలిటీలు పట్టించుకోకుండా, ఒక అందమయిన 'ఊహ' కోసం వెళ్ళండి.

మాస్ ఎంటర్టైనర్ కాదు. గుంపుగా వెళ్ళాల్సిన అవసరం లేదు.
ఇతరుల కోసం కాదు. మీకోసం చూడండి.
ఒంటరిగా వెళ్ళినా ఫర్లేదు. స్వార్థంతో చూడండి.

మీరెప్పుడయినా ప్రేమించి ఉంటే, అభిరుచులు కలిసే మనిషి కోసం వెతికి ఉంటే,
"అందం అంటే ఏంటి ... ఆనందం అంటే ఏంటి ... ఆ రెంటి మధ్య సంబంధం ఏంటి"
అని అలోచించి ఉంటే ... మీరు ఈ సినిమాలో చూసే ప్రతి సీనూ ..ఎక్కడో కనక్ట్ అవుతుంది.
అలా అయినపుడు, మళ్ళీ మళ్ళీ అయినపుడు ... మరీ అంతగా ఆస్వాదిస్తే పక్కనవాళ్ళు ఏమనుకుంటారో అని మీరు గిల్టీగా ఫీల్ అవకుండా చూడండి. స్వార్థంతో చూడండి.
మీకు తెలీకుండా మనసు స్పందించేస్తే ...గమనించి ..."అరే, నేను సున్నితంగా అయిపొయానేమో/అయిపోతానేమో" అని భయపడకుండా చూడండి.
 

గమనిక:
(1) ఆ రామరాజు నా బంధువో, మిత్రుడో కాదు.
(2) పోయిన సంవత్సరం నేను recommend చేసింది 'ఓనమాలు' సినిమా; ఈ సంవత్సరం: 'మల్లెల తీరాలు'