నాకెందుకు !

ఊపిరి ఎంగిళి కాదా ?
ఎవరో పీల్చి వదిలిన గాలి
నాలోకీ చేరడం లేదా ??

ఎక్కడెక్కడో పారిన నీరు
ఏదో ఒక రూపంలో
నేనూ తాగడం లేదా ?

ఎవరో నాటిన చెట్టునుంచి
వచ్చే పళ్ళను
నే తినడం లేదా ?

పీల్చే గాలికీ, తాగే నీటికీ,
తినే తిండికీ లేని
కులం, మతం, ప్రాంతం,
జాతీ, వర్ణం, వర్గం...
అదే గాలీ-నీరూ-తిండితో
బ్రతికే నా శరీరానికెందుకు ?
ఆ బొందిలోని నా మనసుకెందుకు ??
నాకెందుకు ? నాకెందుకు !!

-Sreenath 
15th July 2012